د زهرو جام نیم ساعته ثبت خپرونه کې د نشه یي توکو اړوند مطالب ،  او له معتادینو،عامو خلکو او اړوندو حکومتي چارواکو سره خبرې اترې کیږي

په دغه شپنۍ یو ساعته ژوندۍ  خپرونه کې اوریدونکي د ټلفون له لارې په خپرونه کی ګډون کوي خپل او یا هم د نورو بېلابېلو شاعرانو شعرونه اوغزلونه دیکلومه کوي او په منځ منځ کې یې آرامې سندرې هم خپریږي.
د سپوږمۍ غیږه هره شپه د چنار راډیو څخه په ژوندۍ بڼه خپریږی.

د احمد پیغام په غږ کې سهارني خبرونه 10-08-2017

د احمد پیغام په غږ کې ماښامني خبرونه 09-08-2017

حزب الله جلال ||
میرویس صالحي هغه کاناډايي افغان دی چې په کاناډا کې د افغانستان په سفارت کې د مستشار په څوکۍ ناست دی. دا ځوان تېر نهه کاله کیږي چې له هېواده د باندې دی او یوازې کاناډا کې یې درې کاري دورې تکمیل کړي دي. دا په داسې حال کې ده چې د بهرنیو چارو د وزارت د پالیسي له مخې هر ډیپلوماټ باید درې کاله له هېواده دباندې او د دغه دورې د پوره کېدو وروسته باید درې کاله د هېواده دننه په بهرنیو وزارت کې کار وکړي. خو دا پالیسي بیا د میرویس صالحي دپاره نه ده جوړه؛ په کاناډا کې د خپلې تېرې دورې او اوسنۍ دورې په منځ کې دا ډپلوماټ یوازې د اوو میاشتو دپاره په ترکیه کې مېشت شو خو دا چې ځوان کاناډایي تبعه دی او کورنۍ یې په کاناډا کې ده، نو له کاناډا  دباندې دنده یې نه خوښیږي. همدا لامل دې چې د ترکیې د لنډ مهاله دورې د ترسره کولو وروسته بېرته کاناډا ته ورسېد.
دا چې صالحي د کاناډا تابعیت لري، نو کاناډایان یې د افغان ډپلوماټ په صفت نه مني. ښاغلی صالحي د کاناډیانو سره د افغانستان د استازي په توګه د لیدو کاتو حق نه لري. کاناډیان هیڅ کله د خپل تبعه د یو باندني هېواد د استازي په توګه نه قبلوي. بناٌ دا ښاغلی معاش او امتیاز پرته له دې چې کار او دنده وکړي ترلاسه کوي. ناست په خپل کور کې دې خو مصرف یې د افغانستان د خوار ملت په اوږو بار دی.
د بهرنیو چارو د وزارت وزیر او نورې رهبري ډلې وړتیا له دې معلومیږي چې یو داسې څوک یې په کاناډا کې مقرر کړی چې باید هلته نه واې. میرویس صالحي د ښاغلي صلاح الدین رباني په لاسلیک په خپل کور کې ډپلوماټ مقرریږي او هیڅ څوک دا نه وایي چې دا سړی د ډپلوماټیکو اصولو له مخې حق نه لري چې په دغه هېواد کې د افغانستان استازی وټاکل شي.
د آغلې شینکۍ کړوخېل یوه ګناه دا هم وه چې غوښتل یې د کاناډا په سفارت کې د کار وړ خلک د ځان سره ولري. دا چې ښاغلې صالحي د کار سړې نه وو نو ویره ورسره پیدا شوه چې که دا مېرمن په کاناډا کې د افغانستان په سفارت کې پاتې شي، نو امکان یې شته چې ښاغلې صالحي خپله دنده له لاسه ورکړي. همدا لامل شو چې میرویس صالحي هم د هغه ډلې غړی وګرځېد؛ کوم چې غوښتل آغلې شینکۍ کړوخیلې ته دسیسه جوړه کړي او خپل ځان خوندي کړي. د یادونې وړ ده چې ښاغلی صالحي پښتون دی. د صالحي د پښتونولۍ یادونه ځکه کیږي، ولې چې شینکۍ په قوم پالنې باندې تورنه شوې ده. که قوم پاله وای، نو باید میرویس صالحي ته یې څه نه وای ویلي. خو له دې معلومیږي چې شینکۍ قوم پاله نه؛ بلکې اصلاح پاله وه او اصلاح پال بیا د هیڅ مفسد او مغرض نه خوښیږي، آن که د سړي د کور غړی هم وي.
اوس دې طلوع او یک تلویزیونونه او هشت صبح ورځپاڼه تکړه شي، دا موضوع دې هم وڅیړي. دوي د هغه وخت نیمه برخه چې د شینکۍ د شخصیت وژنې دپاره یې مصرف کړ په میرویس صالحي هم مصرف کړي ترڅو معلومه شي چې شینکۍ بې کفایته ده که صلاح الدین رباني؛ شینکۍ بې کفایته ده که د باندنیو چارو د وزارت نور مشران! خو دغه مغرضه رسنۍ به کله دا کار وکړي! د دې کار په کولو خو بیا د دوی غرضي کړنې هم بربنډیږي او خلکو ته کاناډا په سفارت کې د شته ستونزې ټول اړخونه روښانیږي.
باندنیو چارو وزارت د میرویس صالحي قضیې ته ورته سلګونه کیسې او معاملې دي. دا یې یوازې یوه بیلګه ده او د بې کفایتۍ یوه نمونه ده. همدا لامل دی چې افغانستان په نړۍ کې د سیاسي لابي کمزورۍ سره مخامخ دی. د افغانستان غږ په پوره توګه د نړۍ سیاسي محورونو ته نه رسیږي او د افغانستان ډپلوماسي د ورسته پاتې والي وروستي برید کې ساه اخلي.
که غواړو چې دا حالت بدل کړو نو باید په حکومت په ګډه جدي غږ وکړو چې ترڅو د باندنیو چارو وزارت کې ژور اصلاحات او سمون راولي. دشینکۍ کړوخېلې په څېر اصلاح پالو خلکو ملاتړ وکړي او ورسره په پوره توګه ودریږي. نور نو دا ظلم زغمل؛ چې یو څوک دې په خپل د دویم تابعیت هېواد او خپل کور کې د افغانستان د استازي په توګه معاش او امتیاز واخلي. د دې حالت د بدلولو دپاره باید په ګډه ځواکمن غږ پورته شي او دا چغه دې دومره لوړه شي چې د حکومت تر غوږونو ورسیږي.
که په بهرنیو چارو وزارت کې اصلاح را نه شي نو باور ولرئ چې د افغانستان کمزورې ډپلوماسي او نړیواله سیاسي لابي به همداسې بې خونده پاتې وي چې په پاې کې به یې زمونږ مخالف ګاونډیان د کور دننه او په نړیواله کچه په مونږ استخباراتي لوبې کوي او زمونږ په کورنیو چارو کې لاس وهنه کوي. ډپلوماسي په ننۍ له شخړو او کشالو ډکې نړۍ کې د یو هېواد د پایدو بنسټ جوړوي او د افغانستان دا نړېدلې بنسټ باید جوړ شي.

انګلیسي ژبې لوست - نهم درس (level-1)

انګلیسي ژبې لوست - اتم درس (level-1)

انګلیسي ژبې لوست - اووم درس (level-1)

انګلیسي ژبې لوست - شپږم درس (level-1)

ډاکټر فرقان احمد توقير
حکمتيار صاحب موږ ته د جهاد مشر، تنظيمي ليډر، زړور جنګيالی، سرتېری مجاهد، نوښتګر انجنير او د اثارو په مټ ملا، مفسر، فقيه، ليکوال، اديب او په وروستيو کې شاعر را پېژندل شوی دی.
شاعر مې ځکه وويل چې څو کاله وړاندې يې د لومړني شعر هرکلي ته په شمشتو کې درنه مشاعره جوړه شوه. تر مردان او حسن ابداله پوسټرونه، بېنرونه ولګېدل، ملا زاهدي، استاد صميم او اسد دانش د مشر مېلمه، صدر او نايب صدر په ځانګړيو مقاماتو کښېنول شول.
د خدای فضل و، مشاعره په خير و خيريت او بې‌ساري دوم دام پای ته ورسېده، که څه هم نږدې وه ډاکټر ځلاند په بيستو کې تللی وای، خو خدای خير کړ، په لږ څه کې بچ شو.
الله تعالی پر حکمتيار صاحب بلا صلاحيتونه او استعدادونه لورولي دي، پر نورو علومو، فنونو سربېره يې په ژبپوهنه کې هم د خپل بخت ازمايلو ته ګونډه ماته کړه. که څه هم استاد مجاور احمد زيار ژبپوهنه ساينس بولي، خو حکمتيار صاحب له لابراتواره پرته په دغه ډګر کې له ځينو سره ګوتې ولګولې.
خو د ده يو تخصصي ډګر ښايي زما په څېر له ډېرو پټ او تت پاتې و، هغه دا چې حکمتيار صاحب د خپل وخت زبردست منجم دی، بې له دې چې الغيب عندالله ورسره ونښلوي، له راتلونکې ښه په قاطعيت درته غږېدلای شي.
مرحوم محمد ابراهيم کندهاري په ټول ژوند کې کومه وړاندوينه تر خسوف او کسوف پورې له الغيب عندالله پرته نه وه کړې، خو حکمتيار صاحب تر ده زيات په خپل نجوم باوري دی.
د دغه باور وروستۍ بېلګه په راتلونکيو ولسمشريزو ټاکنو کې د هغه چا د حتمي او بې‌چون و چرا بري خبر دی چې حکمتيار صاحب وړمه ورځ اعلان کړ.
دا خبره کليشه، ډېره تکراره او سولېدلې چې موږ تر اوبو له مخه د ګاولو په ايستلو روږدي يوو، خو حکمتيار صاحب ټول عمر د اوبو په تلوسه يبلې پښې مزل کړی او د همدې سرابونو لالهاند پاتې شوی دی.
تر اوسه ذهن پر دې جوړ و چې د حکمتيار صاحب پل دومره بختور دی چې له چا سره مل شوی، ډوب کړی يې دی، خو اوس چې د خپلې ملتيا په زور د پورته کولو په موډ کې دی، هغه ده چې راتلونکی ولسمشر هم هغه څوک ورته ښکاري چې حزب غوښتی وي، يا يې حزب ملاتړ ته راوتلی وي.
د محمد اشرف غني د حتمي بري وړاندوينه پر همدې بنسټ ولاړه وه چې حزب نه‌شته ورسره، خو په دويم پړاو کې يې چې د قطب الدين هلال د ملاتړ چيغه پورته کړه، ميليوني رايه په سيند لاهو، د جان‌کېري پرېکړې ته اړ شو.
حکمتيار صاحب په دې اند و چې له ده پرته به يې کله هم څوک شل نه‌شي کړای، خو شل څه چې پوره يوويشتو ته خبره ورسېده.
په شلمه پېړۍ کې له هېواده په خپله ورکه پسې وتلی حمکتيار، په يوويشتمه پېړۍ کې خالي لاسونه راستون کړای شو.
د خالي لاسونو که د درواغو پېغور وار له مخه سايل صاحب، مرحوم اجمل خټک ته ورکړی، که څه هم ښاغلي سايل په قسم او قران ويلي چې خټک صاحب يې نه دی ښوولی، خو جابر عوام به څه کړې چې د ده شعر يې له پيله تر پايه په مرحوم خټک صاحب پورې نښلولی دی؟
د دغه نښلولو يو پټ جواز دا و چې مرحوم اجمل خټک ويلي وو؛
که د مرام د سرې ډولۍ سره درغلی نه وم
ملګرو واورئ پښتنې به زېږولی نه وم
حکمتيار صاحب پر کريملين د شنه بيرغ په رپولو خپل ملګري بې‌سده ساتل، خو له نيمې پېړۍ لالهانده مزل وروسته بيا هم بې‌منزله او لاسونه تش راووتل؛
راغلې خو خالي خالي لاسونه، دروغجنه دروغجنه
نه دې سپرلی راووړ، نه ګلونه، دروغجنه دروغجنه
تا خو وې چې تا له به تصوير د ګلاب راوړم
کوم دې پرې د سرو وينو رنګونه، دروغجنه دروغجنه
تا نه د نغمې د درد کيسه ده هېره شوې
مه چېړه زما د زړه تارونه، دروغجنه دروغجنه
ستا د هر نظر له هره تاره درواغ څاڅي
څه به در په ياد کړمه لوزونه، دروغجنه دروغجنه
څنګه دې سايله! ځان بدل کړ په محفل کې
څه دې کړه له شونډو خالونه، دروغجنه دروغجنه