د اوسپنې پټلۍ ادارې رییس د روسیې د ريل پټلۍ ادارې له مرستيال اليا کازاکوف سره د ریل پټلۍ پر پراختيا خبرې کړې دي.
د اوسپنې پټلۍ ادارې پر خپله ټویټر پاڼه لیکلي، اليا کازاکوف ژمنه کړې، چې د روسیې د ريل پټلۍ اداره به په ریلي برخه کې ګڼو افغان ځوانانو ته د مسلکي زده کړو زمينه برابره کړي.
نوموړي ویلي، چې د روسیې د ريل پټلۍ اداره په هرات – بولدک او افغان ټرانس ریلي پروژو کې هم هر ډول همکارۍ ته چمتو ده.